Qaraçuxur qəsəbəsində körpə küçəyə atılıb.
“Qafqazinfo”nun əldə etdiyi məlumata görə, qəsəbə ərazisindəki birhəftəlik uşaq polis əməkdaşları tərəfindən tapılıb.
İyulun 4-ü saat 01 radələrində aşkarlanan oğlan körpələr evinə təhvil verilib.
Faktla bağlı araşdırmalar aparılır.
***
DiN-in Mətbuat Xidmətinin əməkdaşı, polis leytenantı Lumu İsrəfilli bildirib ki, ötən gecə Suraxanı rayonu Qaraçuxur qəsəbəsindəki parklardan birində polis əməkdaşları xidmət aparan zaman yeni doğulmuş körpə (oğlan uşağı) aşkar ediblər.
Polis əməkdaşları körpəyə ilkin tibbi yardım göstəriblər. Vaxtında görülən tədbirlər nəticəsində körpənin həyatı xilas edilib. Daha sonra körpə polislər tərəfindən xəstəxanaya yerləşdirilib. Hazırda körpənin vəziyyəti normaldır. Həyatı üçün təhlükə yoxdur. Körpənin valideynlərinin tapılması istiqamətində polis əməkdaşları tərəfindən tədbirlər davam etdirilir.