Bu gün məşhur aparıcı Turan İbrahimovun ad günüdür. O, Məcra.az-ın əməkdaşıyla söhbəti zamanı doğum gününü adi günlərdən biri kimi qeyd etdiyini bildirib:
“Bu gün də o günlərdən biri kimidir. Bunu xüsusi qeyd etməyi heç vaxt sevməmişəm”.
Hazırda Baku TV-də çalışan aparıcı peşəkar aparıcıların televiziyadan uzaqlaşaraq internet televiziyalarında çalışmalarını belə izah edib:
“Kim harda özü üçün uyğun şərait görürsə, ora yönəlir. Amma yenə də ənənəvi, klassik televiziyalarda peşəkarlar var. Sadəcə ənənəvi televiziyaya əvvəlki qədər baxılmır, görünmür deyə insanlar düşünür ki, peşəkarlar ordan gedib. Bir də orda tənqid olunan şeylər var və mən o tənqidlərin böyük bir qismini subyektiv qiymətləndirirəm. Ona görə də belə bir rəy formalaşıb. Amma ümumilikdə televiziyanın o əvvəlki nüfuzu qalmayıb. Yəni ənənəvi televiziyadan söhbət gedir və ona görə də sizin dediyiniz təəssüratlar var”.