2022-ci ilin sentyabr döyüşlərində qəhrəmancasına şəhid olan Baş gizir Nahid Məmmədov haqda film çəkiləcək. Məcra.az xəbər verir ki, bu haqda rejissor Orxan Aslanlı məlumat verib. Rejissor hər dəfə bir şəhidimiz haqda sənədli film çəkmək fikrində olduğunu bildirib.
Məcra.az saytının rəhbəri, jurnalist Vasif Əlihüseyn və rejossor Orxan Aslanlı Cəlilabadın Vəlnik kəndində şəhid Nahid Məmmədovun ailəsini ziyarət edib. Film haqda şəhid ailəsinə də məlumat verilib.
Qeyd edək ki, Nahid Məmmədov 1990-cı il mayın 9-da Cəlilabadın Vəlnik kəndində anadan olub. Vətən müharibəsində göstərdiyi xidmətlərə görə “Zəngilanın azad olunmasına görə” və “İgidliyə görə” medallarıyla təltif edilib. Sentyabr döyüşlərində göstərdiyi xidmətlərə görə şəhid Nahid Məmmədov ölkə başçısı tərəfindən “Vətən uğrunda” medalı və “Azərbaycan Bayraq” ordeni ilə təltif edilib.