“Yaxın-uzaq zamanlarda mənsub olduğum xalqımın tarixində hissləri coşduran, beyinləri donduran məşəqqətli hadisələr çox olub. Ancaq Xocalı faciəsi qədər məni yandırıb, yaxanı olmayıb. Desəm, inanın nədəndir, bilmirəm.
Bunu Adalet.az-a açıqlamasında professor, Bakı Qızlar Universitetinin təsisçisi, yazıçı Ağarəhim Rəhimov Xocalı faciəsinin 31-ci ildönümü haqda danışarkən deyib. Yazıçı Xocalıya azadlıq, həlak olanlara isə rəhmət diləyib:
“Anaların bətnindəki körpələrin qətlindənmi? Hələ dünyanın amansızlığını anlamayan uşaqların göz yaşlarının boğulmasındanmı, qəhqələrinin susdurulmasındanmı, ana-bala həsrətinə nöqtələrin qoyulmasındanmı, vahiməli gecələrdə insanların qorxusundan, həyəcanındanmı?! Bu bəşəri cinayətə dünya siyasilərinin ruhu alışmadı. Təəssüf, çox təəssüf. Mən Xocalıya azadlıq, əbədiyyətə qovuşanlarına rəhmət, ruhlarını canında gəzdirənlərə xoşbəxtlik diləyirəm”