Dövlət Sərhəd Xidmətinin Akademiyasının kursantı yol qəzasında həlak olub.
Məcra.az “Qafqazinfo”ya istinadən xəbər verir ki, bu barədə Xidmətin mətbuat mərkəzi məlumat yayıb.
Bildirilib ki, fevral ayının 13-də saat 19:30 radələrində Azərbaycan Dövlət Sərhəd Xidmətinin (DSX) Akademiyasının 3-cü kurs kursantı Mahmudov Laçın Tərlan oğlu məzuniyyətdə olarkən Qəbələ rayonu ərazisində baş vermiş yol-nəqliyyat hadisəsi nəticəsində vəfat edib.
***
Dünən saat 19:20 radələrində Ramiz Qəribov idarə etdiyi “QAZ-3102” markalı avtomobillə Qəbələ rayonunun Uludaş kəndində hərəkətdə olarkən piyada, 2003 – cü il təvəllüdlü Laçın Mahmudovu vurub.
“Qafqazinfo” xəbər verir ki, bu haqda DİN məlumat yayıb.
Bildirilib ki, nəticədə piyada aldığı xəsarətlərdən hadisə yerində ölüb.
Faktla bağlı rayon polis şöbəsində cinayət işi başlanılıb, istintaq aparılır.