Rusiya ordusu Kiyevə ballistik raketlərlə zərbə endirib – Yenilənib

Kiyevin sol sahilində partlayış səsləri eşidilib.

Məcra.az “Qafqazinfo”ya istinadən xəbər verir ki, bu barədə məlumatı Ukraynanın “Zerkalo nedeli” portalı yayıb.

Bununla belə, şəhərdə hava hücumu təhlükəsi elan olunmadığı bildirilir.

Eyni zamanda, Kiyev vilayətinin Buça şəhərində və hazırda ukraynalı hərbçilərin nəzarəti altında olan Zaporojye şəhərində də partlayışlar baş verib.

Hadisə ilə bağlı digər detallar açıqlanmayıb.

***

Ukraynanın Xarkov, Poltava, Çerkassı, Kirovoqrad, Dnepropetrovsk və Nikolayev vilayətlərində hava hücumu təhlükəsi elan edilib. 

Bununla yanaşı, Xarkovda partlayışların baş verdiyi bildirilir. Şəhərdə metronun hərəkəti dayandırılıb.

***

Rusiya ordusu tərəfindən Kiyevə ballistik raketlərlə zərbələr endirilib. 

Bununla bağlı Ukrayna Silahlı Qüvvələrinin Hərbi Hava Qüvvələri məlumat yayıb.

Bildirilib ki, Rusiya S-300-lərdən istifadə edib. Buna görə də Ukrayna Hərbi Hava Qüvvələri həmin raketləri havada zərərsizləşdirə bilməyib.