Gəncədə 1 ailənin 4 üzvü dəm qazından zəhərlənib.
Məcra.az “Qafqazinfo”ya istinadən xəbər verir ki, hadisə şəhərin Dədə Qorqud küçəsində yerləşən binada baş verib.
Hadisə nəticəsində 4 azyaşlı uşaq zəhərlənib.
Həkimlərin səyinə baxmayaraq 2020-ci il təvəllüdlü Zəhra Musayeva ölüb, daha 3 nəfər – Zeynəb Musayeva, Dərya Musayeva və Fatimə Musayevanın müalicəsi davam edir.
Hadisənin baş vermə səbəbləri araşdırılır.
***
Daxili İşlər Nazirliyi (DİN) Mətbuat Xidmətinin Gəncə regional qrupunun baş inspektoru Eşqin Qasımov “Qafqazinfo”ya bildirib ki, Gəncə şəhər Baş Polis İdarəsinin 2-ci Polis Şöbəsinə şəhər Dədəqorqud küçəsində dəm qazından zəhərlənmə barədə məlumat daxil olub:
“Dərhal polis əməkdaşları və şəhər Prokurorluğunun əməkdaşları hadisə yerinə gələrək müvafiq araşdırmalar aparıb. Araşdırmalar zaman 2020-ci il təvəllüdlü Zəhra Musayeva dəm qazından zəhərlənərək öldüyü, Zeynəb Musayeva, Dərya Musayeva, Fatimə Musayevanın zəhərlənməsi məlum olub”.
Faktla bağlı şəhər prokurorluğunda araşdırmalar davam etdirilir.
***
Xəsarət alanların təvəllüdü:
Musayeva Zeynəb Rəsul qızı- 2015, Musayeva Dərya Tural qızı- 2018, Musayeva Fatimə Tural qızı- 2019