İki il əvvəl 44 günlük İkinci Qarabağ savaşı Azərbaycanın parlaq qələbəsi və Ermənistanın kapitulyasiyası ilə yekunlaşdı.
Məcra.az Axar.az-a istinadən xəbər verir ki, bu sözləri “Milli müdafiə” jurnalının baş redaktoru, rusiyalı hərbi ekspert İqor Korotçenko qeyd edib.
O, Azərbaycanın qələbəsini aşağıdakı əsasların şərtləndirdiyini bildirib:
– Azərbaycanın rəhbəri və Silahlı Qüvvələrin Ali Baş Komandanı İlham Əliyev idi: qarşısına strateji məqsəd qoyan və analitik düşüncə tərzinə malik güclü, effektiv lider; yüksək və hərtərəfli təhsilli; parlaq diplomat və hərbi əməliyyatlar zamanı məlum olduğu kimi, hərbi strateq və komandan.
– Azərbaycanın siyasi sistemi, dövlət idarəçiliyi modeli həm sülh, həm də müharibə dövründə hakimiyyətin və xalqın səylərini qələbəyə yönəltmək vəzifələrinə yüksək səviyyədə cavab verirdi.
– Neft və qaz gəlirlərini rasional idarə etməyə və həm ölkənin inkişafı, həm də Azərbaycanın müdafiə qabiliyyətinin gücləndirilməsi üçün lazımi maliyyə vəsaitlərinin ayrılmasına imkan verən səmərəli iqtisadiyyat.
– Ən yaxşı silahlarla, yüksək motivasiyalı hərbi personal və peşəkar zabit korpusu ilə təchiz edilmiş müasir, yüksək texnologiyalı, döyüşə hazır Ordu; avadanlıq, rabitə və döyüş idarəetmə sistemi, ən yüksək qiymətə layiq operativ planlaşdırma.
– Müharibənin ədalətli, azadetmə təbiəti. Xalqın və Ordunun yüksək əhval-ruhiyyəsi. Azərbaycan əsgər və zabitlərinin kütləvi qəhrəmanlığı.