Prezidentimizin dünənki Soçi görüşü Azərbaycanın milli maraqlarının müdafiəsi yolunda onun heç vaxt dönməyəcəyini, dəyişməz və prinsipial mövqeyindən əl çəkməyəcəyini bir daha dünyaya nümayiş etdirdi.
Məcra.az xəbər verir ki, bu sözləri “Yeni Gundem” -əaçıqlamasında Milli Məclisin deputatı Məlahət İbrahimqızı bildirib.
Millət vəkili Soçi görüşünü belə şərh etdi:
“Bildiyimiz kimi dünən yəni, oktyabrın 31-də Soçidə Azərbaycan Respublikasının Prezidenti möhtərəm cənab İlham Əliyev ilə Rusiya Federasiyasının Prezidenti Vladimir Putin arasında ikitərəfli görüş keçirilibdir. Soçi səfəri çərçivəsində Putinin iştirakı ilə Azərbaycanın Prezidenti və Ermənistanın Baş nazirinin üçtərəfli görüşü də keçirilibdir. Bu görüşün nəticəsi olaraq, hər üç prezidentlərin imzası ilə Bəyannamə qəbul edilibdir. Beynəlxalq hüquq çərçivəsində hazırlanmış bu Bəyannamə müsbət hal kimi qəbul edilsə də bir növ deklorativ xarakter daşıyır. Bəyannaməyə münasibətimi bildirməzdən öncə Soçi səfərində həm Azərbaycan Prezidentinin, həm də Ermənistanın Baş nazirinin Putinlə keçirilən ikitərəfli görüşlərindəki çıxışlara diqqət çəkmək istərdim. Ermənistanın baş naziri Paşinyan rəsmi İrəvanın “Rusiya layihəsi”nin dəstəklədiyini qeyd edibdir. Bu bir daha Ermənistanın Baş nazirinin hərdəm xəyal, dayanıqsız bir siyasətçi olduğunu göstərir. Bildiyimiz kimi, avqust ayında Brusseldə Şarl Mişelin iştirakı ilə keçirilən üçtərəfli görüşdə, möhtərəm Prezidentimizin Ermənistan-Azərbaycan münasibətlərinin normallaşması prosesi üçün möhtərəm Prezidentimiz cənab İlham Əliyev tərəfindən Sülh sazişi üçün irəli sürülmüş 5 təklifin Paşinyan tərəfindən qəbul edildiyi bildirilmişdir.
Lakin Paşinyan burada çıxış edərkən bu məsələyə toxunmamışdır. Xatırlatmaq istərdim ki, ötən dövr ərzində də biz həmişə Ermənistanın tez-tez dəyişən və destruktiv mövqeyinin şahidi olmuşuq. Yəni bu dəyişkənlik erməni xislətinin göstəricisidir. Bu mənada Paşinyandan da bu cür mövqe gözlənilən idi. Yerigəlmişkən bugün sosial şəbəkələrdə Paşinyanın Putinin şəmsiyyəsi altına sığınmış bir şəkli mətbuatda paylaşılıbdır. Elə bu şəkil erməni siyasətçilərininin mahiyyətini göstəri. Yəni ermənilər tarixboyu ya kiminsə kölgəsində ya da kim güclüdürsə onun qoltuğunda yaşayıblar.Paşinyan sayıqlama xarakterli çıxışında Vladimir Putinlə görüşdə Azərbaycandakı erməni əsirlərinin azad edilməsini xahiş etməsi onun bir daha nə hüquqdan nədə beynəlxalq hüquqdan xəbəri olmadığını sübut edir. Görüşün regional məsələlərə həsr edilməsini vurğulayan Möhtərəm Prezidentimiz cənab İlham Əliyev bu görüşdə də bir daha iki il bundan əvvəl imzalanmış üçtərəfli Bəyannamə ilə çoxillik Qarabağ münaqişəsinə son qoyulduğunu qeyd edib. Azərbaycan ilə Ermənistan arasında münasibətlərin normallaşması istiqamətində danışmağın və hərəkət etməyin vaxtının yetişdiyini bildirən möhtərəm Prezidentimiz bir daha bu proses üçün Azərbaycan tərəfinin irəli sürdüyü və beynəlxalq hüququn fundamental prinsipləri olan 5 əsas prinsipin vacibliyini xatırladıb. Bununla bərabər Möhtərəm cənab İlham Əliyev görüş zamanı çıxışında bir daha Qarabağ münaqişəsinin artıq tarixdə qaldığını və iki il bundan əvvəl həll edildiyini qeyd etməklə Paşinyanın müxtəlif bəhanələrlə normallaşma prosesinə problem yaratdığını bildiribdir.
Bildiyimiz kimi dünən üç ölkənin Liderlərinin iştirakı ilə keçirilən görüşün nəticəsi kimi Bəyannamə də qəbul edilibdir. Sülh müqaviləsinin bağlanmasına fəal hazırlığın vacibliyini, Azərbaycan-Ermənistan münasibətlərinin hərtərəfli normallaşması, Cənubi Qafqazda sülhün, sabitliyin, təhlükəsizliyin və davamlı iqtisadi inkişafın təmin edilməsini vurğulayan bu Bayannamədə diqqətçəkici məqamlardan biri də bütün müzakirələrdə suverenliyin, ərazi bütövlüyünün və sərhədlərin toxunulmazlığının qarşılıqlı tanınması əsasında aparılmasının şərt olmasının qeyd edilməsidir. Bəyannamədə əks olunmuş bu fikirlər məhz bugün Azərbaycan tərəfindən irəli sürülmüş təkliflərlə üst-üstə deşür. Bugün möhtərəm Prezidentimizin Ermənistandan iki ölkə arasında ən tez bir zamanda sərhədlərin müəyyənləşdirilməsi, delimitasiya və demarkasiya tələbi də məhz budur. Sözsüz ki, bunlar sülh sazişinə aparan addımlardır. Bəyannaməni və Paşinyanın Putinlə görüşü zamanı etdiyi çıxışı müqayisəli təhlil etsək götərik ki, Erçənistanın Baş nazirinin heç bir təklifi keçməyibdir.Bildiyimiz kimi Ermənistan rəhbərliyi dünyaya car çəkib Azərbaycanın müharibə bitdikdən sonra erməni təxribatının qarşısını almaq üçün həyata keçirdiyi hərbi əməliyyatları Ermənistana qarşı Azərbaycan Ordusunun hərbi müdaxiləsi kimi tanıtsın. Amma bu nəticə verməyibdir.Paşinyanın çox ciddi cəhdlərinə baxmayaraq bu səyi də Bəyyannamədə öz əksini tapmadı.
Qürurla demək isyəyirəm ki, dünən Soçidə Möhtərəm Prezidentimizin Putinlə görüşündəki çıxışı və bu çıxışındakı fikirləri və mesajlar Onun Azərbaycanın milli maraqlarının müdafiəsi yolunda heç vaxt dönməyəcəyini, dəyişməz və prinsipial mövqeyindən əl çəkməyəcəyini bir daha nümayiş etdirdi.
Sözsüz ki, dünənki, Soçi görüşünü Azərbaycan və Ermənistan arasındakı münasibətlərin normallaşması prosesində irəliyə doğru atılan addım kimi qiymətləndirmək olar.”