“Gözəl rəqqaslarımız, rəqqasələrimiz var. Amma onları həvəsləndirən yoxdur. Yeni mahnılar yoxdur. Biznesdən pul qazanıb, mahnı yazdırıram. Başqasının biznesi yoxdur ki, mahnı yazdırıb, irəli getsin. Karifey sənətkarlarımıza səslənirəm ki, rəqqasələrlə bağlı nəsə etsinlər. Bu aləmdə mən təkəm”.
Məcra.az Axşam.az istinadən xəbər verir ki, bu sözləri rəqqasə Fatimə Fətəliyeva “Xəbər-ətər” verilişində deyib. O bildirib ki, hazırda rəqs aləmində ondan başqa çalışan yoxdur:
“Bu aləmdə təkəm. Bir dəfə ansambl yaratdım, dövlət tədbirlərinə, efirə çıxartdım, toylardan pul qazanmaqlarına şərait yaratdım. Amma pandemiyada qrup dağıldı. Bu uşaqları itirdim. Yenə də istəyirəm qrup yaradım. Amma düşünürəm ki, edəcəm nə olacaq? Qızları öyrədirsən, geyim tikdirirsən. Gəlib deyir ki, sevgilim icazə vermir. Bəs, tədbir var, Fatimə oynayacaq? Sən oynayacaqsan axı”.