Vətən müharibəsi iştirakçısı polkovnik-leytenant Kamil Duniyevin ailəsində faciə baş verib.
Mecra.az-ın əldə etdiyi məlumata görə, Kamil Duniyevin anası Alimə Duniyeva vəfat edib.
Mərhum bu gün yaşadığı Cəlilabad rayon Əliabad kəndində dəfn edilib.
Qeyd edək ki, Kamil Duniyev Azərbaycan Silahlı Qüvvələrinin ehtiyatda olan peşəkar zabitidir. O, Vətən müharibəsində oğlu Səfər Duniyevlə birlikdə iştirak edib. K.Duniyev Suqovuşanda minaya düşərək ayağını itirib.
O, 28 İL Azərbaycan Ordusunda xidmət edib və “Qüsursuz xidmətlərə görə”, 1-ci, 2-ci, 3-cü dərəcəli medallara layiq görülüb.
Vətən müharibəsində isə göstərdiyi xidmətlərə görə, “Vətən uğrunda”, “Suqovuşanın azad olunmasına görə” medalları ilə təltif edilib.
Redaksiyadan: Polkovnikə biz də redaksiyamız adından anasının vəfatına görə, dərin hüzünlə başsağlığı veririk.
Vasif ƏLİHÜSEYN