Ukrayna Prezidenti Volodimir Zelenski Ukraynadakı münaqişənin həlli ilə bağlı Əbu-Dabidə keçirilən danışıqların ilk gününün “konstruktiv və olduqca məzmunlu” olduğunu bildirib.
Mecra.az xəbər verir ki, Zelenski bu haqda öz teleqram kanalında yazıb.
“Üçtərəfli format konstruktiv və olduqca məzmunlu olduğunu sübut etdi. Biz humanitar tədbirlərin zəruriliyini və onların mümkün parametrlərini müzakirə edə bildik. Əsirlərin azad edilməsi prioritet məsələdir. Ukrayna üçün təhlükəsizlik zəmanətlərinin mahiyyəti və onların uzunmüddətli fəaliyyətinin əsasları barədə ətraflı danışdıq. Müharibənin yenidən baş verməsinin qarşısını almaq üçün bizə real mexanizmlər lazımdır. Gərginliyin azaldılması istiqamətində zəruri addımlar mövzusu da müzakirə olundu”, – deyə o qeyd edib.“Qafqazinfo”