Cəlilabad şəhəri Şah İsmayıl Xətai adına 4 nömrəli tam orta ümumtəhsil məktəbinin Yeni Təmayül Tədris Modeli (YTTM) siniflərində təhsil alan şagirdlərlərlə görüşülüb və dərs prosesi izlənilib.
Mecra.az xəbər verir ki, görüşdə Lənkəran-Astara Regional Təhsil İdarəsinin Tədrisin keyfiyyəti sektorunun müdiri Namiq Aslanov da iştirak edib. Dərslər zamanı şagirdlərə yeni tədris modelinin yaratdığı imkanlar, qarşıda duran məqsədlər və məsuliyyətlər barədə ətraflı məlumat verilərək, təhsil həyatlarının bu mühüm mərhələsində uğurlar arzulanıb, həmçinin onlara məsuliyyətli, intizamlı və məqsədyönlü olmalarının vacibliyi bildirilib.
Yeni Təmayül Tədris Modelinin məzunları olmaq onların üzərinə xüsusi məsuliyyət qoyduğu və bu baxımdan şagirdlərə yeni modelin imkanlarından səmərəli istifadə etmələri, bilik və bacarıqlarını daim inkişaf etdirmələri tövsiyə olunub. Görüş qarşılıqlı fikir mübadiləsi və səmimi söhbət şəraitində keçib. Şagirdlər onları maraqlandıran sualları səsləndirib, öz fikir və təkliflərini bölüşüblər.
