2024-cü ilin yanvar-iyul ayında Azərbaycandan 20 milyon 471 min dollar dəyərində 48 min 234 ton kartof ixrac olunub.
Məcra.az xəbər verir ki, bu barədə FED.az-a Dövlət Gömrük Komitəsinə istinadən xəbər verir.
Kartof ixracı ötən ilin eyni dövrü ilə müqayisədə dəyər ifadəsilə 10 milyon 534 min dollar və ya 34%, miqdar ifadəsilə 22 min 835 ton və ya 32,1% azalıb.
2023-cü ilin ilk 7 ayında isə Azərbaycandan 31 milyon 5 min dollar dəyərində 71 min 70 ton kartof ixrac olunmuşdu.
Bu dövrdə Azərbaycanın ixrac etdiyi kartofun 1 kiloqramının orta ixrac qiyməti 72 qəpik olub. Xatırladaq ki, 2023-cü ilin eyni dövründə bu rəqəm 74 qəpik idi. Bu da illik müqayisə ilə 2 qəpik və ya 2,7% azalma deməkdir.
Bu il ümumi ixracının 0,13%-i, qeyri-neft sektoru üzrə ixracın isə təxminən 1,09%-i kartofun payına düşüb.