Bir neçə gündür ki, Cəlilabad rayonunda üzüm bağlarından məhsul yığımına başlanılıb.
Kənd Təsərrüfatı Nazirliyinin Cəlilabad Dövlət Aqrar İnkişaf Mərkəzindən “Report”un Muğan bürosuna verilən məlumata görə, hazırda rayonda 1 410 hektar üzüm bağı var.
Bunun da 1 375 hektarı bar verən bağdır.
Fermerlərin sözlərinə görə, bu il qeyri-sabit hava şəraiti üzümçülüyə ciddi ziyan vurmayıb. Hazırda bağlarda məhsul bolluğu müşahidə olunur.
Bir kiloqram üzümün qiyməti növündən asılı olaraq 1-1,5 manat arasında dəyişir. Yığılan məhsul daxili bazarla yanaşı, Rusiyanın müxtəlif bazarlarına ixrac olunur.