Şair Elman Tovuz vəfat edib.
Bu barədə Bakupost.az -a şair Ehtiram İlham məlumat verib.
O bildirib ki, xeyli vaxtdır səhhətində problemlər olan E.Tovuz bu gün dünyasını dəyişib.
Qeyd edək ki, Elman Şəmşəd oğlu Həsənli (Elman Tovuz) 10 aprel 1961-ci ildə Tovuz rayonunun Şıxheybət kəndində doğulub. 8 illik təhsilini həmin kənddə, orta təhsilini isə Tovuz rayon Bozalqanlı kənd orta məktəbində alıb.1984-cü ildə Azərbaycan Xalq Təsərrüfatı İnstitutunun (indiki ADİU) ümumi iqtisad fafültəsini bitirib. Eyni zamanda həmin illərdə Təhsil Nazirliyi tərəfindən təsis edilmiş İçtimai Peşələr Fakültəsində (axşam) təhsil alıb və jurnalist ixtisasına yiyələnib və uzun illər ixtisası üzrə çalışıb. 1998-ci ildə avtomovil qəzasına düşüb. 1-ci qrup əlil idi.
Elman Tovuz ədəbi yaradıcılığa tələbəlik illərindən başlayıb. “İqtisadçı” qəzetinin redaksiya heyətinin üzvü olub.