Cəlilabad rayonunda açıq sahələrdə yetişdirilən kartof məhsulunun yığımına başlanılıb.

Fermerlər “Report”un yerli bürosuna bildiriblər ki, hələlik məhsulun alış qiymətindən razıdırlar. Belə ki, məhsulun kiloqramı 70 qəpiyə alınır.

Belə ki, ötən illə müqayisədə bu il məhsulun alış qiyməti normaldır. Onlar bunun səbəbini bu il daha az sahədə kartof əkilməsi ilə əlaqələndirir.

Cəlilabad Rayon Dövlət Aqrar İnkişaf Mərkəzindən bildirilib ki, gün ərzində 20 yük maşını, 400 ton məhsul satılır. Bu məhsulun da 80%-i xarici bazara daşınır.

Qeyd edək ki, bu il Cəlilabad rayonunda 3 min hektar sahədə kartof əkilib.