“Aysu buraxılış imtahanlarda maksimum 300 balın 282 balını toplayıb. Həkim olmaq istəyirdi, atasının arzusu idi ki, Aysu həkim olsun”
Bunu Məcra.az-a açıqlamasında Vətən müharibəsi şəhidi, polkovnik-leytenant Elzamin Təhməzovun həyat yoldaşı Günay xanım deyib. Şəhid zabitin xanımı qızının atasının bu arzusunu reallaşdıracağını bildirib:
“Atası Aysuya həkim olmasını 2 yaşından deyirdi. Təəsüf ki, atası şəhid oldu, bu günü görə bilmədi, amma Aysu bu peşəyə yiyələnməklə atasının ruhunu şad edəcək”-deyə şəhid xanımı bildirib.
Qeyd edək ki, Elzamin Kamal oğlu Təhməzov 1979-cu il oktyabrın 26-da Bərdə rayonunun Şirvanlı kəndində anadan olub. Əslən isə Laçın rayonunun Malxələf kəndindəndir. Vətən müharibəsi zamanı Suqovuşan uğrunda gedən döyüşlərdə qəhrəmancasına şəhid olub.
Ölümündən sonra şəhid polkovnik-leytenant Elzamin Təhməzov ölkə başçısı tərəfindən “Vətən uğrunda”, “Suqovuşanın azad olunmasına görə” medalları və 3-cü dərəcəli “Rəşadət” ordeni ilə təltif edilib.
Allah cəmi şəhidlərimizə rəhmət eləsin!
Vasif Əlihüseyn