44 günlük Vətən müharibəsində iştirak edən Cəlilabad rayon Göytəpə şəhər sakini Feyzullayev Zabil Malik oğlu bu gün vəfat edib.
Bu haqda Məcra.az-a Cəlilabad rayon İcra Hakimiyyətinin Vətən müharibəsi iştirakçıları və şəhid ailələri ilə işin təşkili şöbəsinin müdiri, Vətən müharibəsi iştirakçısı Fizuli Cəfərov məlumat verib.
Bildirilir ki, 17 sentyabr 1986-cı ildə anadan olan Z.Feyzullayev onkoloji xəstəlikdən əziyyət çəkirmiş. O, bu gün Bakıda müalicə aldığı xəstəxanada dünyasını dəyişib. Hərbçimiz ailəli olub və dörd övladı var.
O, həmçinin 2023-cü ilin sentyabr ayında antiterror əməliyyatında da iştirak edib.
Allah rəhmət eləsin!
