Moskvada “Crocus City Hall” ticarət mərkəzində silahlı insident baş verib.
“Qafqazinfo” TASS-a istinadən xəbər verir ki, naməlum şəxslər ticarət mərkəzində atəş açıb.
“Baza” teleqram kanalı isə hadisə nəticəsində 12 nəfərin həlak olduğunu yazıb.
“RİA Novosti”nin məlumatına görə, 3 nəfər avtomat silahdan atəş açıb. Bununla yanaşı, binada yanğın qeydə alınıb.
Qeyd edək ki, “Crocus City Hall” ticarət mərkəzi azərbaycanlı iş adamı Araz Ağalarova məxsusdur.
***
“112” teleqram kanalının məlumatına görə, hücum zamanı 40 nəfər həlak olub, daha 130 nəfər isə yaralanıb.