Lerikdə bədbəxt hadisə iki nəfərin ağır xəsarət alması ilə nəticələnib.
Məcra.az-ın “Qafqazinfo”ya istinadən məlumatına görə, hadisə rayonun Noda kəndində baş verib.
Belə ki, evdə maye qaz balonu partlayıb. Partlayış nəticəsində kənd sakinləri 1969-cu il təvəllüdlü Asif Məmmədov və həyat yoldaşı 1970-ci il təvəllüdlü İlhamə Məmmədova ağır bədən xəsarətləri alıblar.
Yaralılar Lənkəran Rayon Mərkəzi Xəstəxanasına çatdırılıblar. İ. Məmmədovanın vəziyyətinin ağır olduğundan o, reanimasiya şöbəsinə yerləşdirilib.
Faktla bağlı araşdırma aparılır.