Xəbər verdiyimiz kimi Xalq artisti Ramiz Novruz uzun sürən xəstəlikdən sonra bu gecə 67 yaşında dünyasını dəyişib.
Adalet.az-a açıqlamasında Ramiz Novruzun qohumu, şəhid atası Nadir Novruzov son günlər aktyorun vəziyyətinin pisləşdiyini bildirib:
“Bu acı xəbəri alan kimi hamımız Ramiz müəllimin yaşadığı ünvana gəlmişik. Onunla vida mərasimi evində olacaq. Son zamanlar vəziyyəti pisləşmişdi, xərçəng artıq bütün bədəninə yayılmışdı. Ramiz müəllimin dəfn yeri isə hələ ki, Mədəniyyət Nazirliyi ilə dəqiqləşdirilir. Bununla bağlı ictimaiyyətə məlumat veriləcək”-deyə qohumu bildirib.
Qeyd edək ki, Ramiz Novruz 1955-ci il mayın 25-də Biləsuvar rayonunun Səmədabad qəsəbəsində anadan olub.
Allah rəhmət eləsin!
Vasif Əlihüseyn