Məcra.az tanınmış şair Gülbala Teymurun yeni şeirini təqdim edir:
Pozduq gərdişini torpağın, yerin,
Göylərə bəllidir nə işlər gedir.
Altında partlayış, silkələnmələr,
Üstündə kəsilməz döyüşlər gedir.
Dərdimiz həkimlik, mollalıq deyil,
Qalmışıq şeytanlar əlində naçar.
Bağlanıb qapılar haqdan elə bil,
Atılıb ən dərin quyuya açar.
Sənə qurban olum, qəbir dərindi,
Bizə bir yol göstər gələk yanına.
Verdiyin ağıllar işləmir indi,
Təzə ağıl göndər adamlarına.
👁 baxış