Prezident İlham Əliyev Azərbaycanın İrandakı səfirliyinə silahlı hücumu terror hadisəsi kimi qiymətləndirib. Ölkə başçısı bu haqda özünün tvitter səhifəsində paylaşım edib.
Məcra.az xəbər verir ki, ölkə başçısı baş verən terror hadisəsini şiddətlə qınadığını deyib:
“Bu gün Tehrandakı Səfirliyimizə qarşı törədilmiş terror aktını şiddətlə qınayıram. Səfirliyin və səfirlik əməkdaşlarının mühafizəsini təmin edərkən həlak olan baş leytenant Əsgərov Orxan Rizvan oğlunun ailəsinə və yaxınlarına dərin hüznlə başsağlığı verirəm. Bu terror aktının tezliklə araşdırılacağını və terrorçuların cəzalandırlacağını tələb edirik. Diplomatik nümayəndəliklərə qarşı terror hücumu qəbuledilməzdir!”, – Azərbaycan Prezidenti yazıb.
