Azərbaycan Prezidenti İlham Əliyevin Birləşmiş Ərəb Əmirliklərinin Prezidenti Şeyx Məhəmməd bin Zayed Al Nəhyanın dəvəti ilə bu ölkəyə işgüzar səfər iki ölkə arasında münasibətlərin inkişafında yeni mərhələ açır. Prezident İlham Əliyevin 2023-cü il 16 yanvar tarixində Birləşmiş Ərəb Əmirliklərinin paytaxtında Əbu-Dabi Dayanıqlılıq Həftəsinin rəsmi açılış mərasimində çıxışında xüsusilə vurğulayıb ki, Azərbaycan ilə Birləşmiş Ərəb Əmirlikləri arasında münasibətlərstrateji əhəmiyyətə malikdir.
Birləşmiş Ərəb Əmirlikləri Azərbaycanda xüsusilə enerji sahəsində aktiv ölkələrdəndir. Bu sahədə qarşılıqlı münasibətlərin daha da möhkəmlənəcəyi gözlənilir. Eyni zamanda, Birləşmiş Ərəb Əmirlikləri sahibkarlarının işğaldan azad olunan ərazilərimizdə sərmayə qoyluşlarında iştirakı da vacib istiqamətlərdəndir. Bütövlükdə, körfəz ölkələrindən Qarabağ və Şərqi Zəngəzura daha çox sərmayənin cəlb edilməsi prioritetdir.
Iki ölkə arasında həm siyasi, həm də iqtisadi sahədə əməkdaşlıq son illərdə yüksələn dinamika ilə inkişaf edir. Azərbaycan ilə BƏƏ arasında fərqli sektorlar üzrə əməkdaşlığın daha da inkişaf etdirilməsi üçün böyük potensial var. Bu baxımdan, səfər zamanı keçirilən görüşlər və razılaşmalar da məhz bu potensialın daha yaxından istifadəsinə imkan yaradacaq. Prezident İlham Əliyev və Birləşmiş Ərəb Əmirlikləri prezidenti arasında çox yaxın dostluq münasibətləri vardır. Bu baxımdan Azərbaycan Prezidentinin son səfəri iki ölkə arasındakı iqtisadi əlaqələrin daha da dərinləşməsinə xidmət edəcək.
Eyvaz Məmmədov,
ADPU Cəlilabad filialının müəllimi