Ukraynada müharibə davam edir.
Baku TV-nin bu ölkədə olan əməkdaşı Mübariz Aslanov Ukraynadan son məlumatları çatdırıb.
O bildirib ki, son raket və dron hücumlarından sonra Kiyevdə yenidən ciddi kommunal problemlər yaşanıb.
“Hücumdan sonra Kiyevdə və Ukraynanın digər vilayətlərində elektrik enerjisi və istilik problemi davam edir. Kiyevin metro stansiyalarında da sıxlıqla əlaqədar məhdudiyyətlər tətbiq edilib”, – deyə jurnalist qeyd edib.
O da bildirilib ki, Ukraynanın cənubunda, o cümlədən Donetsk, Zaporojye və Baxmutda ağır döyüşlər davam edir.
Məlumata görə, Ukrayna Silahlı Qüvvələrinin “Ucar” ləqəbli azərbaycanlı hərbçisi Baxmut ətrafında Rusiya Ordusunun 3 diversiya qrupunu tələyə salaraq məhv edib.