Gürcüstanın sabiq Prezidenti Mixeil Saakaşvilinin yeni fotoları yayılıb.
“Qafqazinfo” xarici KİV-ə istinadən xəbər verir ki, həmin fotolar sabiq prezidentin müalicə aldığı klinikadan paylaşılıb.
Vurğulanıb ki, fotolar 1 ay əvvəl çəkilib.
Xatırladaq ki, M. Saakaşvili hazırda Tbilisidəki “Vivamed” özəl klinikasında müalicə olunur. Gürcüstanın sabiq Prezidenti 2021-ci il oktyabrın 1-də ona qiyabi olaraq verilən iki hökm əsasında saxlanılıb. O, altı il həbs cəzası alıb. Daha 3 iş isə məhkəmə icraatındadır.
