Mingəçevirdə iki avtomobil toqquşub, onlardan biri lil axını kanalına düşüb.
Məcra.az xəbər verir ki, hadisə az öncə Günəşli yaşayış massivi birinci paralel küçəsində baş verib.
“Kia” markalı avtomobillə toqquşan “Mersedes” markalı taksi xidməti göstərən maşın toqquşmanın təsirindən idarəetməni itirərək lil axını kanalına düşüb.
İlkin məlumata görə, yaralı taksi sürücüsü xəstəxanaya aparılıb.
Taksi kimi fəaliyyət göstərən şəxsin maşınında sərnişin qadın da olub.
Məlumata görə, qadının sabah toyu olacaqdı.
Faktla bağlı araşdırma başlanıb. (“Xəzər Xəbər”)