Lənkəranda bu gecə ağır yol qəzası olub.
Məcra.az-ın “Qafqazinfo”ya istinadla məlumatına görə, hadisə Lənkəran-Boradigah-Masallı magistralında, rayonun Şağlaser kəndi ərazisində qeydə alınıb.
Belə ki, 5 nəfər gəncin olduğu “VAZ-2107” markalı minik avtomobili idarəetmədən çıxıb yol kənarındakı kommunikasiya xətlərinə (işiq, qaz), sonra həyətyanı hasara çırpılıb.
Qəzada avtomobildə olan 2006-cı il təvəllüdlü Amil Ehtiram oğlu Sadıqov aldığı xəsarətlərdən hadisə yerində ölüb. 2003-cü il təvəllüdlü Ruslan Fikrət oğlu Rəsulov, 2006-cı il təvəllüdlü Qurbanəli Ətafil oğlu Salayev, 2005-ci il təvəllüdlü Elvin Əbdül oğlu Əliyev və 2006-cı il təvəllüdlü Əbdül Tapdıq oğlu Kərimov müxtəlif dərəcəli bədən xəsarətləri ilə Lənkəran Rayon Mərkəzi Xəstəxanasına hospitalizasiya olunublar.
Faktla bağlı araşdırma aparılır.