Kürdəmirdə ölümlə nəticələnən yanğın baş verib.
Mecra.az-ın “Xəzərxəbər”ə istinadən məlumatına görə, rayonun Yenikənd kəndində sahəsi 150 kv metr olan ev əşyaları ilə birlikdə yanaraq külə dönüb.
Yanğın zamanı evdə yatan Fikrət Eminov yanaraq dünyasını dəyişib.
Hadisə yerinə FHN-in Kürdəmir rayon Yanğından Mühafizə Hissəsinin canlı qüvvə və texnikası cəlb olunub, yanğın söndürülüb. Eyni zamanda əraziyə rayonun hüquq-mühafizə orqanı əməkdaşları da gəlib və mərhumun meyiti ərazidən götürülərək aidiyyəti üzrə təhvil verilib.
Məlumata görə, yanaraq ölən 57 yaşlı Fikrət Eminov bir müddət öncə Rusiyadan ata evinə qayıdıbmış. O evdə tək yaşayırmış.
