Göyçayda 2 qadın dəm qazından zəhərlənib.
Lent.az-ın məlumatına görə, hadisə Göyçay şəhərində qeyd alınıb. Məlumata görə, 64 yaşlı Fatma Zeynalova qonşusu 81 yaşlı Fatma Babayevanı çimizdirməyə kömək etmək üçün onlara gəlib.
Bu zaman hamam otağında dəm qazı sızıb. Nəticədə Fatma Babayeva dünyasını dəyişib. F. Zeynalova isə xəstəxanaya yerləşdirilib.
Daxili İşlər Nazirliyinin mətbuat xidmətinin Şəki regional qrupundan Lent.az-a bildirilib ki, Göyçay şəhəri ərazisində yerləşən evlərin birində 2 nəfərin dəm qazında zəhərlənməsi, onlardan birinin ölməsi ilə bağlı rayon polis şöbəsinə məlumat daxil olub. Polis və prokurorluq əməkdaşları tərəfindən hadisə yerinə baxış keçirilib.
Hazırda müvafiq araşdırmalar davam etdirilir.