Gəncə şəhərində qohumlar arasında münaqişə baş verib.
Məcra.az “Qafqazinfo”ya istinadən xəbər verir ki, bu barədə Daxili İşlər Nazirliyi və Baş Prokurorluğun birgə məlumatında bildirilib.
Hadisə zamanı bir nəfər ov tüfəngi ilə öldürülüb, iki nəfər bıçaq xəsarətlərindən xəstəxanaya yerləşdirilib.
Münaqişənin borca görə baş verdiyi bildirilir.
***
Gəncə şəhərində qohumlar arasında baş verən münaqişədə ölən və yaralanan şəxslərin kimliyi məlum olub.
Bildirilib ki, hadisə şəhərin Cavad Xan qəsəbəsində baş verib.
İlkin məlumata görə, 1980-ci il təvəllüdlü Əli Məmmədov qətlə yetirilib. 1986-cı il təvəllüdlü Kamal Bayramov və 1994-ci il təvəllüdlü Niyazi Bayramov bıçaqlanaraq ağır xəsarət alıblar.
