Məcra.az Sabirabad rayon Nəsimi kənd sakini Nəcəfov Ağaverdinin Azad İstehlakçılar Birliyinin sədri Eyyub Hüseynova ünvanladığı şikayət məktubunu təqdim edir:
“Hörmətli Eyyub müəllim, sizi mətbuatdan haqq-ədaləti müdafiə edən, insanlara təmənnasız kömək edən bir şəxs kimi tanıyırıq. Mənim bu ərizəmin bəlkə də sizin məşğul olduğunuz sahəylə əlaqəsi yoxdur, lakin mənə qarşı olan haqsızlığı ən ali dövlət orqanlarına və cəmiyyətə catdırmağınız, kömək etməniz üçün sizə müraciət edirəm. Birinci Qarabağ veteranı kimi ümüdim sizədir, siz mənə mümkün olan köməkliyi göstərəcəksiniz.
Belə ki, mən 2021-ci ilin fevral ayında Dövlət Sosial Müdafiə Nazirliynin tabeliyində olan Dövlət Məşğulluq Agentliynin Özünəməşğulluq proqramına daxil olan əhaliyə heyvanların verilməsi layihəsinə müraciət etdim. 2022-ci ilin avqust ayında mənim müraciətimlə bağlı monitorinq təşkil olundu. 25 avqust 2022-ci ildə mənə zəng edib bildirdilər ki, monitorinq qrupu bizə gələcək. Monitorinq qrupu bizə gəldi baxış keçirdi və nəticədə qərar gəldilər ki, mənə heyvan (qoyun) verilmiyəcək. Səbəb də o oldu ki, mənim qapımda 11 baş qoyun var. Bu da laihəyə uyğun olaraq veriləcək 21 baş qoyunun üçdən bir hissəsindən yənı 7 başdan çox olmasıdır.
Mən onlara bildirdim ki, o qoyunun 8 başı tamamən ayrı təsərüfatda yaşayan bacmındır. Mənim cəmi 3 baş qoynum var. Onlar mənim düz danışmamı dəqiqləşdirmək üçün nə bələdiyyədən, nə qonşulardan, nə də yerli icra qurumundan soruşmadılar. Belə çıxır ki, mən bacıma məxsus qoyunları qizlətməliydim?! Dediklərimə inanmadılar! Görünür komissiyanın tərkibində qoyun dili bilən kimsə olmalıdır! Bu dediklərmi təsdiq edəcək arayışımı və aktımı da ərizəmə daxil edərək sizə təqdim edirəm.
Hörmətli Eyyub müəllim, monitorinqin yenidən keçirilməsinə və mənim bu layihədən qanun çərçivəsində yararlanmağıma köməklik göstərməyinizi Sizdən xahiş edirəm
Xahiş edirəm mənim bu ərizəmi və sənədləri ən ali dövlət orqanlarına göndərəsiniz, ictimailəşdirəsiniz ki, əhali nə baş verdiyini görsün”.