Nurlan Bayram oğlu Əsgərli 1995-ci il dekabrın 3-də Masallı rayon Viləş kəndində anadan olub.
Məcra.az xəbər verir ki, Silahlı Qüvvələrimizin Xüsusi Təyinatlı giziri olan Nurlan, 2016-cı il Şanlı aprel döyüşləri zamanı qəhrəmancasına şəhid olub. Onu döyüş meydanından onunla birlikdə döyüşən qardaşı İntiqam çıxarıb.
Şəhid Nurlan Əsgərli ölümündən sonra ölkə başçısı tərəfindən “Hərbi xidmətdə fərqlənməyə görə” medalıyla təltif edilib.
Nurlanın qardaşı İntiqam Əsgərli isə Vətən müharibəsi zamanı Şuşa uğrunda gedən döyüşlərdə şəhid olub. O, ölkə başçısı tərəfindən “Vətən Müharibəsi Qəhrəmanı”, “Vətən uğrunda”, “Şuşanın azad olunmasına görə”, “Cəsur döyüşçü”, “Xocavəndin azad olunmasına görə” və “Kəlbəcərin azad olunmasına görə” medalları ilə təltif edilib.
Allah cəmi şəhidlərimizə rəhmət eləsin!
Şəhidlərimizi anmaq hər birimizin borcudur.