Fransa prezidenti Emmanuel Makron Rusiya ordusunun Mali və Mərkəzi Afrika Respublikasından (CAR) fransız əsgərlərini sıxışdırdığına görə Vladimir Putindən qisas almağı planlaşdırır.
Məcra.az Publika.az-a istinadən xəbər verir ki, bunu Siyasi Araşdırmalar İnstitutunun direktoru, politoloq Sergey Markov deyib.
“Makron Mali, Mərkəzi Afrika Respublikası və Burkina-Faso üçün Vladimir Putindən qisas almaq istəyir. Çünki Rusiyaoradan Vaqner PMC-lərin köməyi ilə fransız qoşunlarını çıxarıb. Fransa prezidenti buna cavab olaraq Rusiya hərbçilərini Ermənistandan sıxışdırıb çıxarmağı düşünür” – Markov bildirib.
Markovun sözlərinə görə, Makron Ermənistanın baş naziri Nikol Paşinyandan istifadə edərək KTMT-də böhran yaratmağa çalışır.
O qeyd edib ki, əgər Rusiya KTMT üzvü kimi Azərbaycana qarşı Ermənistanın tərəfində vuruşmaq istəmirsə, bu, Paşinyanın istədiyi kimi “Qərbə” getməsi üçün yaxşı səbəbdir.