Dekabrın 31-də saat 21:00-da 2009-cu il təvəllüdlü (kişi) şəxs Cəlilabad Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.
Bu barədə Mecra.az-ın sorğusuna cavab olaraq Cəlilabad Rayon Mərkəzi Xəstəxanasından məlumat verilib.
Məlumatda qeyd olunub ki, ona döş qəfəsinin sağ yarısının daxilə nüfuz etməyən kəsilmiş, deşilmiş yarası diaqnozu təyin edilib:
“Xəsarət alan şəxsə zəruri tibbi yardım göstərildikdən sonra ambulator müalicə üçün evə buraxılıb”.
***
Cəlilabadda gənclər arasında düşən mübahisə nəticəsində 1 nəfər bıçaqlanıb.
Mecra.az xəbər verir ki, hadisə rayon mərkəzində, Heydər Əliyev prospektində yerləşən seyrəngahda qeydə alınıb.
Məlumata görə, münaqişə zəminində rayonun Uzuntəpə kənd sakini, 2009-cu il təvəllüdlü M. Əsgərəli bıçaq xəsarətləri alıb. Yaralı dərhal rayon mərkəzi xəstəxanasına çatdırılaraq cərrahi əməliyyata alınıb. Hazırda yeniyetmənin vəziyyətinin stabil olduğu bildirilir.
Əməli törətməkdə şübhəli bilinən şəxs isə polis əməkdaşları tərəfindən saxlanılıb.
Faktla bağlı Cəlilabad rayon Polis Şöbəsində araşdırma aparılır (Qafqazinfo).
