Cəlilabadda payızlıq əkilən kartofun yığımına başlandı. Məcra.az xəbər verir ki, ölkənin cənub rayonlarından olan Cəlilabadda zəhmətkeş əhali dövlət tərəfindən onlara verilən torpaq sahələrini əkib-becərirlər.
Noyabr ayının əvvəlindən Cəlilabad rayonunda artıq payızlıq kartofun yığımına start verilib. Fermerlər bildiriblər ki, kartofun 1 kiloqramının qiyməti 50-60 qəpik arası dəyişir. Bu da toxumun növündən və kartofun iri və ya xırda olmasından asılıdır.
Payızlıq kartofun əkini zamanı fermerlər əsasən “kemrov” və “arizona” kimi toxumlara üstünlük veriblər. Fermerlərin sözlərinə görə dekabr-yanvar aylarında payızlıq kartofun 1 kiloqramının qiyməti 80 qəpiyə bahalaşmaq ehtimalı var.
