“Burada bir terror iyi var. Bu işdə qadının rol oynadığına dair əlamətlər var. Kamera araşdırmaları davam edir. Yekun qərarı yoxlamanın sonunda verəcəyik”.
Publika.az “TRT Haber”ə istinadla xəbər verir ki, bunu Türkiyə prezidenti Rəcəb Tayyib Ərdoğan jurnalistlərə açıqlamasında bildirib.
“İstiqlal küçəsindəki bombalı hücumda həyatını itirən vətəndaşlarımıza Allahdan rəhmət diləyirəm. Türkiyəni və türk millətini terrorla ələ keçirmək cəhdləri heç bir nəticə verməyəcək. Bütün ünsürlərin üstü açılacaq və günahkarlar cəzalandırılacaq”, – Türkiyə lideri qeyd edib.
Xatırladaq ki, İstanbulun mərkəzində İstiqlal küçəsində yerli vaxtla saat 16:20-də güclü partlayış baş verib. Partlayış nəticəsində 6 nəfər ölüb, 53 nəfər isə xəsarət alıb.