Cəlilabad Rayon İcra Hakimiyyətinin başçısı Rafiq Cəlilov tərəfindən 6 fevral 2026-cı il tarixdə növbəti vətəndaş qəbulu keçirilib.
Azərbaycan Respublikasının Prezidenti İlham Əliyevin vətəndaşların qəbulu və müraciətlərinə baxılması işinin daha da yaxşılaşdırılması ilə bağlı qarşıya qoyduğu tapşırıqların icrası məqsədilə Cəlilabad Rayon İcra Hakimiyyətinin inzibati binasında növbəti dəfə vətəndaşların qəbulu keçirildi.
Mecra.az xəbər verir ki, qəbulda Cəlilabad Rayon İcra Hakimiyyətinin başçısı Rafiq Cəlilov, aparatın əməkdaşları, aidiyyəti idarə, müəssisə və təşkilatların nümayəndələri iştirak etmişdir.
Qəbulda rayonun müxtəlif yaşayış məntəqələrindən olan sakinlər iştirak edərək müraciətlərini səsləndiriblər. Qəbul zamanı rayon rəhbəri tərəfindən vətəndaşların müraciətləri diqqətlə dinlənilmiş, icra hakimiyyətinin səlahiyyətlərinə daxil olan problemlərin həlli istiqamətində konkret göstərişlər verilmişdir.
Digər müraciətlərlə bağlı isə vətəndaşlara ətraflı izah verilib və müvafiq dövlət qurumlarına müraciət etmələri tövsiyə olunub.
