Azərbaycanda 2 bacı dünyanın ən nüfuzlu universitetlərinə qəbul olub.
Mecra.az xəbər verir ki, Nəzrin Sadıqova və Həmidə Sadıqova dünya reytinqində 4-cü və 6-cı yerdə olan Böyük Britaniyanın Oksford və Kembric Universitetlərinin magistraturalarına qəbul alıblar.
Bu, Azərbaycanın təhsil tarixində nadir hadisə hesab edilir.
Qeyd edək ki, əslən Ağdam rayonundan olan bacılar Bakıda yerləşən T. İsmayılov adına 6 saylı orta məktəb liseyi qızıl medalla bitiriblər.
Nəzrin və Həmidə Sadıqovalar hər ikisi 2022-ci ildə 660 balla Bakı Dövlət Universitetinin Hüquq fakültəsinə qəbul olublar. Hər iki bacı Prezident təqaüdünə layiq görülmüşdü (Ölkə.az).
